বন্ধ হ’ব হাই মাদ্ৰাছা বিদ্যালয়সমূহঃ শিক্ষামন্ত্ৰী হিমন্ত বিশ্ব শৰ্মা

নিউজ ডেস্কঃ আজি দিছপুৰত শিক্ষামন্ত্ৰী হিমন্ত বিশ্ব শৰ্মাই  এক সংবাদমেলত যোগে আনুষ্ঠানিকভাৱে ধৰ্মীয় পাঠ বন্ধ কৰি মাদ্ৰাছাসমূহ সাধাৰণ স্কুল কৰাৰ কথা ঘোষণা কৰে ৷ ১ জানুৱাৰীৰ পৰা সামাজিক দূৰত্ব আৰু মাস্ক ব্যৱহাৰৰে নিয়মীয়াকৈ ৰাজ্যত বিদ্যালয়সমূহ খুলিব বুলি সংবাদমেলত জানিবলৈ দিয়ে শিক্ষামন্ত্ৰী গৰাকীয়ে ৷ ৰাজ্যত মুঠ ১৮৯ খন মাদ্ৰাছা স্কুল আছে ৷ এতিয়ালৈ ছেবাই  মাদ্ৰাছা স্কুলসমুহৰ পৰীক্ষা অনুষ্ঠিত কৰি আহিছিল ৷ কিন্তু ২০২২ চনত ৰাজ্যত মাদ্ৰাছা ব’ৰ্ড ভংগ হ’ব আৰু ২০২২ চনৰপৰা মাদ্ৰাছাত কোনো পৰীক্ষা অনুষ্ঠিত নহয় বুলি মত প্ৰকাশ কৰে শিক্ষামন্ত্ৰী গৰাকীয়ে ৷ ইয়াৰোপৰি শিক্ষামন্ত্ৰী হিমন্তই কয় যে সকলো বিদ্যালয় ‘Director of secondary education’ৰ অধীনত আহিব লগতে মাদ্ৰাছাসমূহক সাধাৰণ শ্ৰেণীৰ বিদ্যালয়লৈ ৰূপান্তৰ কৰা হ’ব ৷ ইয়াৰ পিছৰ পৰাই ৰাজ্যত আঁতৰ কৰা হ’ব ‘হাই মাদ্ৰাছা ’ শব্দটো ৷ ২০২২ৰ পৰা হাইস্কুল হিচাপে পৰীক্ষা দিব লাগিব মাদ্ৰাছাৰ শিক্ষাৰ্থীয়ে ৷ লগতে ৰাজ্যিক মাদ্ৰাছা ব’ৰ্ডৰ ভংগ কৰা হ’ব ৷ ২০২২ৰ পাছত আৰৱীক কাউঞ্চিল হায়াৰ ছেকেণ্ডৰী কাউঞ্চিললৈ ৰূপান্তৰিত হ’ব ৷ এই সন্দৰ্ভত পৰৱৰ্তী বিধানসভাত আইন প্ৰণয়ন কৰা হ’ব ৷ কোনোধৰণৰ ৰাজ্যৰ শিক্ষা ব্যৱস্থাত ধৰ্মীয় পাঠ নাথাকিব ৷  সংস্কৃত টোলসমূহতো ভাৰতৰ ইতিহাস আৰু সংস্কৃতি পঢ়াব লাগিব বুলি কয় মন্ত্ৰীগৰাকীয়ে ৷ সংস্কৃত টোলসমুহ ভাস্কৰ বৰ্মা বিশ্ববিদ্যালয়ৰ অধীনলৈ যাব ৷ য’ত ডিগ্ৰী আৰু ডিপ্লমাৰ ব্যৱস্থা থাকিব বুলি শিক্ষামন্ত্ৰী গৰাকীয়ে জানিবলৈ  দিয়ে ৷