নিউজ ডেস্কঃ বিশিষ্ট লেখক-সমালোচক ডঃ গোৱিন্দ প্ৰসাদ শৰ্মালৈ প্ৰদান কৰা হৈছে ২০১৯-২০২০ বৰ্ষৰ প্ৰীতি বৰুৱা সাহিত্য বঁটা। সাহিত্যিক ডঃ শৰ্মাই অসমীয়া গল্প, নিবন্ধ আৰু সমালোচনামূলক সাহিত্যলৈ আগবঢ়োৱা অৱদানৰ স্বীকৃতি স্বৰূপেই প্ৰদান কৰা হৈছে এই বঁটা।
উল্লেখ্য, সু সাহিত্যিক প্ৰীতি বৰুৱাৰ স্মৃতিত ২০১৭-১৮ বৰ্ষৰ পৰাই লেখিকা সংস্থা আৰু প্ৰীতি বৰুৱা-প্ৰশান্ত কুমাৰ বৰুৱা সোঁৱৰণী সমিতিয়ে যুটীয়াভাৱে এই বঁটা প্ৰদান কৰি আহিছে। এই বঁটাত আছে এখন প্ৰশস্তি পত্ৰ, গ্ৰন্থৰ টোপোলা আৰু নগদ ৫০ হাজাৰ টকা। ২০১৭-১৮ বৰ্ষত পোন প্ৰথম বাৰৰ বাবে এই বঁটা বিশিষ্ট বুদ্ধিজীৱী ডঃ শিৱনাথ বৰ্মনলৈ আগবঢ়োৱা হৈছিল।
