দিল্লীৰ মংগোলপুৰী এলেকাত ২৫ বছৰীয়া ৰিংকু শৰ্মাৰ হত্যাৰ প্ৰসংগক লৈ আৰু ৪জন লোকক গ্ৰেপ্তাৰ কৰা হৈছে।
দেওবাৰে আৰক্ষীয়ে এই বিষয়ে জানিবলৈ দিয়ে।
দিল্লী আৰক্ষীৰ ক্ৰাইম ব্ৰাঞ্চৰ এটা টীমে দীন মহম্মদ(৪০), দিলছান(২২), ফৈয়াজ(২১) আৰু ফেজান(২১)ক গ্ৰেপ্তাৰ কৰে।
এই আটাইকেইজন মংগোলপুৰীৰ নিৱাসী। আৰক্ষীয়ে ক’লে যে শৰ্মাৰ হত্যা সন্দৰ্ভত বৰ্তমানলৈ ৯জন লোকক গ্ৰেপ্তাৰ কৰা হৈছে।
অতিৰিক্ত PRO(দিল্লী আৰক্ষী) অনিল মিট্টলে ক’লে যে প্ৰমাণৰ তদন্তৰ পিছত আৰু CCTV ফুটেজ বিশ্লেষণ কৰাৰ পিছত, ঘটনাটোৰ তদন্ত কৰি থকা ক্ৰাইম ব্ৰাঞ্চৰ টীমে আৰু ৪জনক গ্ৰেপ্তাৰ কৰে।
এটা CCTV ফুটেজৰ আধাৰত অভিযুক্তৰ পৰিচয় ওলোৱা হৈছে আৰু গ্ৰেপ্তাৰ কৰা হৈছে আৰু তাতে ৰিংকুক আক্ৰমণ কৰা প্ৰত্যক্ষ কৰা হৈছিল।
কেনেদৰে হৈছিল ৰিংকু শৰ্মাৰ হত্যা
দিল্লী আৰক্ষীৰ PRO চিন্ময় বিস্ৱালে ক’লে যে ১০ ফেব্ৰুৱাৰীত কেইজনমান যুৱকে জন্মদিনৰ পাৰ্টী উদযাপন কৰিবলৈ এখন ৰেষ্টুৰেণ্ট গৈছিল।
বাৰ্থ ডে’ পাৰ্টীৰ সময়ছোৱাত ৰেষ্টুৰেণ্ট বন্ধ কৰাক লৈ বাক-বিতণ্ডা আৰম্ভ হৈছিল আৰু পিছত মাৰপিটো আৰম্ভ হৈছিল।
ইয়াৰ পিছত কাজিয়াত থকা কেইজনমান যুৱক ৰিংকুৰ ঘৰত উপস্থিত হৈছিল আৰু তাক চুৰিৰে হানি-খুচি হত্যা কৰে।
পৰিয়ালে কোৱা অনুসৰি এয়া এক ঘৃণনীয় অপৰাধ আৰু ৰিংকুক ‘জয় শ্ৰী ৰাম’ কোৱাৰ বাবে হত্যা কৰা হৈছিল।
এই দাবীৰ বিষয়ে আৰক্ষী বিষয়াই ক’লে যে আমি ভুক্তভোগী পৰিয়ালৰ সম্পৰ্কত আছো।
কিন্তু তদন্তৰ পিছত গম পোৱা গ’ল যে জন্মদিনৰ পাৰ্টীৰ সময়তে হতাহতি হৈছিল।
Photo: Google
