ৰাজ্যত আজি পুৱা ৭ বজাৰ পৰা প্ৰথম পৰ্যায়ৰ নিৰ্বাচন অনুষ্ঠিত হয়।
উজনি অসমৰ বহু সংখ্যক ভোটকেন্দ্ৰত ই ভি এম মেছিনৰ বিসংগতি দেখা দিছে।
যাৰ ফলত ভোটাৰ আৰু প্ৰাৰ্থীয়ে বহু সময় অপেক্ষা কৰিবলগীয়া হৈছে।
জানিব পৰা মতে, ধিং সমষ্টিৰ মৈৰাবাৰী মৌজাৰ বহু কেন্দ্ৰত ই ভি এম বিকল হোৱাৰ লগতে সোণাৰি সমষ্টিৰ নামটোলা অঞ্চলৰ টাউকা পঞ্চায়তৰ অন্তৰ্গত পলিং চেণ্টাৰত ই ভি এমৰ বিসংগতিয়ে দেখা দিছে।
ইয়াৰ উপৰিও ডিব্ৰুগড় জিলাৰ লাহোৱাল সমষ্টিৰ উজনি হাতীমূৰা প্ৰাথমিক বিদ্যালয়ত কেইগৰাকী মান ভোটাৰে ভোটদান কৰাৰ পিছতে ই ভি এম বিকল হৈছে।
তীয়কৰ আমগুৰি ভোটকেন্দ্ৰত ই ভি এমৰ বিসংগতিৰ ফলত দুঘণ্টা পলমকৈ ভোটদান আৰম্ভ হৈছে।
আনহাতে তিতাবৰৰ পানীনৰা ভোটকেন্দ্ৰটো ই ভি এম ৰ বিসংগতিৰ বাবে আধাঘণ্টা দেৰিকৈ ভোটদান প্ৰক্ৰিয়া আৰম্ভ হৈছে বুলি জানিব পৰা গৈছে।
ইয়াৰ ফলত প্ৰাৰ্থী আৰু ভোটাৰে ভোটদানৰ বাবে বহু সময় অপেক্ষা কৰিবলগীয়া হৈছে।
Photo Credit: Google
