পুনৰ সাংবাদিকৰ ৰহস্যজনক মৃত্যুৱে কঁপাই তুলিছে ৰাজ্য। নিয়মীয়া বাৰ্তাৰ জ্যেষ্ঠ ক্ৰীড়া সাংবাদিক পূৰ্বজ্যোতি চুতীয়াৰ ৰহস্যজনক মৃত্যু।ৰবিবাৰে নিশাৰ পৰা নিখোজ হোৱা সাংবাদিক পূৰ্বজ্যোতি চুতীয়াৰ মৃতদেহ হাতীগাঁওস্থিত নিজ বাসগৃহৰ সমীপৰ এটা নলাৰ পৰা উদ্ধাৰ কৰা হয়।
আৰক্ষীয়ে জানিব দিয়া মতে মৃতদেহৰ শৰীৰত কোনো ধৰণৰ আঘাতৰ চিন নাই। উচিত তদন্তৰ বাবে আৰক্ষীয়ে লৈছে সাংবাদিক গৰাকীৰ মোবাইল ফোন। সাংবাদিক পূৰ্বজ্যোতি চুতীয়াৰ ৰহস্যজনক মৃত্যুত ৰাজ্যজুৰি গভীৰ শোক প্ৰকাশ কৰিছে।
