নিশা বঙাইগাঁও জিলাত আৰক্ষী আৰু আলফা (স্বা)ৰ মাজৰ হোৱা এক সংঘৰ্ষৰ ফলত মৃত্যু হয় আলফা(স্বা)ৰ ৱেষ্টাৰ্ণ কামাণ্ডাৰ চীফ দ্বীপেন সাউদৰ।
এক গোপন সূত্ৰৰ উমান পাই বঙাইগাঁও আৰক্ষীয়ে নিশা এক অভিযান চলাই আলফা (স্বা) সদস্য জনক গুলিয়াই হত্যা কৰাৰ উপৰিও আন এজন আলফা(স্বা)ৰ সদস্য পদুম ৰায়ক গ্ৰেপ্তাৰ কৰে।
আৰক্ষীয়ে জনোৱা অনুসৰি বঙাইগাঁও জিলাৰ মানিকপুৰ বেছিমাৰীত আত্মগোপন কৰি আছিল আলফা(স্বা) সদস্য দুগৰাকীয়ে।
নিশা আৰক্ষীয়ে অভিযান চলাই আত্মসমৰ্পণ কৰিবলৈ আহ্বান জনোৱাৰ পিছতে আলফা(স্বা)ৰ সদস্য ২জনে গুলিচালনা কৰে ।
তাৰ পিছতে আৰক্ষীয়ে কৰা গুলিচালনাত মৃত্যু হয় আলফা(স্বা)ৰ সদস্য গৰাকীৰ।
আৰক্ষীয়ে জানিবলৈ দিয়া অনুসৰি ঘটনাস্থলীৰ পৰা ২টা পিষ্টল, গ্ৰেণেড আৰু কিছু গুলী উদ্ধাৰ কৰিছে।
Photo Credit: Headline8
