চৰকাৰী আদৰ্শ মহাবিদ্যালয়, কাজিৰঙাত মঙলবাৰে ৰাষ্ট্ৰীয় ভোটাৰ দিৱস উদযাপন কৰা হয়। এই উপলক্ষে মহাবিদ্যালয়ৰ প্ৰাংগনত মহাবিদ্যালয়ৰ অধ্যক্ষ ড০ হৰি প্ৰসন্ন ডেকা বৰুৱাকে প্ৰমুখ্য কৰি অধ্যাপক-অধ্যাপিকা আৰু ছাত্ৰ-ছাত্ৰীসকলৰ উপস্থিতিত এখন সভা অনুষ্ঠিত হয়। ৰাজনীতি বিজ্ঞান বিভাগৰ মুৰব্বী অধ্যাপিকা চয়নিকা বৰাই আঁত ধৰা অনুষ্ঠানটোত মহাবিদ্যালয়ৰ অধ্যক্ষ ড° ডেকা বৰুৱাই এক মননশীল বক্তব্য দাঙি ধৰে। চয়নিকা বৰাই ৰাষ্ট্ৰীয় ভোটাৰ দিৱসৰ আৰম্ভণি আৰু নিৰ্বাচন আয়োগ সম্বন্ধে এক চমু বিৱৰণ আগবঢ়ায়। সভাত মহাবিদ্যালয়ৰ ৰাজনীতি বিজ্ঞান বিভাগৰ সহকাৰী অধ্যাপিকা ড° পৰিমিতা ভূঞাই ভোটাৰ দিৱসৰ তাৎপৰ্য বাখ্যা কৰি গণতান্ত্ৰিক প্ৰক্ৰিয়াত নাগৰিকৰ অংশগ্ৰহণ সম্বন্ধে ছাত্ৰ-ছাত্ৰীসকলক অৱগত কৰায়। অনুষ্ঠানৰ শেষৰ কাৰ্যসূচী হিচাপে মহাবিদ্যালয়ৰ অধ্যক্ষ মহোদয়ে অধ্যাপক-অধ্যাপিকা আৰু ছাত্ৰী-ছাত্ৰীসকলক ভাৰতীয় নিৰ্বাচন আয়োগে নিৰ্ধাৰণ কৰা ৰাষ্ট্ৰীয় ভোটাৰ দিৱসৰ শপতনামা পাঠ কৰোৱায়।
