কামৰূপ জিলাৰ বকোত সোমবাৰে পুৱা সংঘটিত হয় এক পথ দুৰ্ঘটনা। ফলত থিতাতে মৃত্যু হয় এজন যুৱকৰ। জানিব পৰা মতে বকো থানাৰ অন্তৰ্গত পাহাৰীয়া এলেকা ওমচাগৰ গাঁৱৰ পৰা এল্ট’ এখনেৰে নামনি লাম্পিলৈ গৈ আছিল ধনবাহাদুৰ মগৰ (২৪ ) নামৰ যুৱকগৰাকী। হঠাৎ নিয়ন্ত্ৰণ হেৰুৱাই গাড়ীখন পাহৰৰ তলত বাগৰি পৰাত গাড়ী চলাই যোৱা যুৱকগৰাকী শিলত খুন্দা খাই থিতাতে মৃত্যু হয়। যুৱকগৰাকীৰ মৃতদেহ বকো আৰক্ষীয়ে মৰণোত্তৰ পৰীক্ষাৰ বাবে গুৱাহাটী চিকিৎসা মহাবিদ্যালয়লৈ প্ৰেৰণ কৰিছে।
