৬৮ সংখ্যক ৰাষ্ট্ৰীয় চলচ্চিত্ৰ বঁটাত ব্ৰীজ (Bridge) নামৰ ছবিখনে শ্ৰেষ্ঠ অসমীয়া ছবিৰ সন্মান লাভ কৰিছে। পৰিচালক কৃপাল কলিতাৰ ব্ৰীজত ছবিখনত এখন দলঙক কেন্দ্ৰ কৰি ক্ষতি, হতাশা আৰু শোকৰ কাহিনী বৰ্ণনা কৰা হৈছে। বানপানীৰ মাজত এগৰাকী দৃঢ়প্ৰতিজ্ঞ ছোৱালীৰ বেদনা আৰু কষ্টৰ কাহিনী প্ৰতিফলিত হৈছে ব্ৰীজত। এই ছবিখনে ইয়াৰ পূৰ্বেও আন কেইবাটাও সন্মান বুটলিবলৈ সক্ষম হৈছে।
আনহাতে ৬৮ সংখ্যক ৰাষ্ট্ৰীয় চলচ্চিত্ৰ বঁটাত বিশেষভাৱে সন্মানিত হৈছে অভিনেত্ৰী আইমী বৰুৱা। ডিমাছা ভাষাৰ ছবি ছেমখৰ (Semkhor)ত কৰা অভিনয়ৰ বাবে ‘জুৰীৰ বিশেষ উল্লেখ’ সন্মান প্ৰদান কৰা হৈছে আইমীলৈ। একে সময়তে আইমী বৰুৱাই পৰিচালনা কৰা প্ৰথমখন ডিমাছা ভাষাৰ ছবি ছেমখৰে ৰাষ্ট্ৰীয় চলচ্চিত্ৰ বঁটাৰ ৰজতকমল লাভ কৰিছে।
