পশ্চিম গুৱাহাটীৰ বিশিষ্ট সমাজকৰ্মী, দীপৰ বিলৰ পাৰৰ দেউছটাল নিবাসী বলেশ্বৰ ৰংপীয়ে ২৩ মে’ত নিজৰ জন্মদিনটো অনাথ শিশুৰ মাজত খাদ্য সামগ্ৰী বিতৰণকে ধৰি ব্যতিক্ৰমী ধৰণেৰে উদযাপন কৰে। এই উপলক্ষে পশ্চিম গুৱাহাটীৰ শিকাৰহাটী থকা নৱজীৱন অনাথ আশ্ৰমত দিনৰ ভাগত উপস্থিত হৈ বলেশ্বৰ ৰংপীয়ে তাত থকা সকলো শিশুৰ উজ্জ্বল ভবিষ্যত কামনা কৰে আৰু তেওঁলোকৰ দ্বাৰা কেক কাটি জন্মদিন পালন কৰে। তাৰপিছত আশ্ৰমত থকা সকলো শিশু তথা ছাত্র ছাত্রীক এক মাহৰ খাদ্য সামগ্রী যোগান ধৰে। শেষত বলেশ্বৰ ৰংপীয়ে পৰিৱেশ সংৰক্ষণৰ বাবে অনুষ্ঠানত উপস্থিত থকা সকলোৰে মাজত লিচু, আমলখি,শিলিখাকে ধৰি বিভিন্ন থলুৱা প্ৰজাতিৰ গছপুলি বিতৰণ কৰে।
আনহাতে জন্মদিনৰ কাৰ্যসূচীত তেওৰ সহধৰ্মীনি তথা আজাৰা গাওঁ পঞ্চায়তৰ সভানেত্ৰী কবিতা বড়ো ৰংপী, সমাজকৰ্মী কেষ্টৰাম ৰংপী, অশোক থাপা, সুশীল থাপা, ধীৰাজ কলিতা, কুশল বৈশ্য, যতীন দাসকে ধৰি নৱজীৱন অনাথ আশ্ৰম পৰিচালনাৰ দায়িত্বত থকা ভনীতা বৰুৱা, অনীতা অনিতা ৰাণাকে ধৰি বহু বিশিষ্ট ব্যক্তি উপস্থিত থাকে।
