আজিৰে পৰা উচ্চতৰ মাধ্যমিকৰ চূড়ান্ত পৰীক্ষা আৰম্ভ

আজিৰে পৰা আৰম্ভ উচ্চতৰ মাধ্যমিকৰ চূড়ান্ত পৰীক্ষা। এই গুৰুত্বপূৰ্ণ পৰীক্ষাটোত ৰাজ্যৰ ৮৭৭টা কেন্দ্ৰত ২লাখ ৮০হাজাৰ ২১০গৰাকী শিক্ষাৰ্থী বহিব।
বিজ্ঞান, কলা আৰু বাণিজ্য শাখাত মুঠ ২,৮০,২১৬ গৰাকী পৰীক্ষাৰ্থী অৱতীৰ্ণ হ’ব ৷ শিক্ষা সংসদৰ তথ্য অনুসৰি এই পৰীক্ষাত ছাত্ৰীৰ সংখ্যা ১,৪২,৭৩২ গৰাকী আৰু ছাত্ৰৰ সংখ্যা ১,৩৭,৪৮৪ গৰাকী ৷ ১২ ফেব্ৰুৱাৰীৰ পৰা ১৩ মাৰ্চলৈ অনুষ্ঠিত হ’ব উচ্চতৰ মাধ্যমিক চূড়ান্ত পৰীক্ষা ৷ পৰীক্ষাত যাতে কোনো বেমেজালিৰ সৃষ্টি নহয় তাৰ বাবে সকলো পৰীক্ষাকেন্দ্ৰতে কটকটীয়া নিৰাপত্তা ব্যৱস্থা কৰা হৈছে।