মহানগৰীৰ আদাবাৰীত দীনেশ গোস্বামী পথত বৃহস্পতিবাৰে দুপৰীয়া সংঘটিত এক পথ দুৰ্ঘটনাত এজন যুৱক নিহত হয়। নিহত যুৱক জনক আদাবাৰীৰ কাষৰীয়া পাণ্ডুৰ সংগ্ৰাম কুমাৰ দম ( ২৮ ) বুলি চিনাক্ত কৰা হৈছে। প্ৰাপ্ত খবৰ মতে দুপৰীয়া ১২.১৫ মান বজাত সংগ্ৰামে পথপাৰ হৈ থকাৰ সময়ত গুৱাহাটী পৌৰ নিগমৰ জাবৰ কঢ়িওৱা এ এছ ০১ এম চি ৮৩৬৪ নম্বৰৰ বাহনখনে তেওঁক প্ৰচণ্ড জোৰে খুন্দা মাৰে।
জালুকবাৰী থানাৰ যান- বাহন শাখাৰ আৰক্ষী ঘটনাস্থলীত উপস্থিত হৈ কিছু নিলগৰ মালিগাওঁৰ স্বাগত হাস্পতাললৈ যায় যদিও চিকিৎসকে তেওঁক মৃত বুলি ঘোষণা কৰে। বিয়লি মৰণোত্তৰ পৰীক্ষাৰ অন্তত তেওঁৰ মৃতদেহটো পৰিয়ালক গতাই দিয়া হয়।
