“কামৰূপ মহানগৰ জিলা কবি সন্মিলন”ৰ উদ্যোগত এখন কবি সন্মিলন ২১ ছেপ্টেম্বৰত সন্মিলন”ৰ বৰ্তমানৰ সভাপতি, অৱসৰপ্ৰাপ্ত অধ্যক্ষ, অধ্যাপক হাচমত আলীৰ উনাশী সংখ্যক জন্মদিনটো তেঁওৰ উত্তৰ জালুকবাৰীস্থিত বাসভৱনত পোহৰৰ দিন আৰু কবিতাৰ দিন হিচাপে উদযাপন কৰা হয়। এই উপলক্ষে অনুষ্ঠিত সভাখনত সভাপতিত্ব কৰে “অসম কবি সন্মিলন”ৰ সভাপতি ড৹ গীতা দত্তই। সভাত মুখ্য অতিথি হিচাপে বিশিষ্ট কবি কৌস্তুভমণি শইকীয়া, বিশিষ্ট অতিথি হিচাপে ৰেণু দত্ত বৰফুকন, সমীন্দ্ৰ হুজুৰি , লীলাধৰ হাজৰিকা , সন্মিলনৰ প্ৰাক্তন জিলা সভাপতি অতুল তামুলী উপস্থিত থাকে। সভাৰ আৰম্ভণিতে এটি জ্যোতি সংগীত পৰিৱেশন কৰে কণমানি মিনহাজ চাকিবে। জন্মদিনৰ কেক কাটি কাৰ্যসূচীৰ শুভাৰম্ভ কৰে হাচমত আলীয়ে আৰু তেওঁক সহায় কৰে সহধৰ্মিনী নুৰজাহান বেগমে।
সভাত প্ৰায় কুৰি গৰাকী কবিয়ে তেওঁলোকৰ স্ব-ৰচিত কবিতা পাঠ কৰে। তেনেদৰে চাৰিগৰাকী শিল্পীয়ে গীত পৰিবেশন কৰে। ইয়াৰ উপৰিও কেবাগৰাকী জেষ্ঠ নাগৰিক আৰু গুণমুগ্ধই হাচমত আলীক শুভেচ্ছা জনাই বক্তৃতা প্ৰদান কৰে। সভাত জিলা সন্মিলনৰ ফালৰ হাচমত আলীক ওপজা দিনৰ ওলগ জনাই ফুলাম গামোচা,চেলেং চাদৰ, শৰাই, ফুলৰ টোৰা আৰু ওলগনি পত্ৰৰে শুভেচ্ছা জনোৱা হয়। সভাখনৰ আঁত ধৰে অসম কবি সন্মিলনৰ যুটীয়া সম্পাদক মনোজ কুমাৰ দাস আৰু কামৰূপ মহানগৰ জিলা কবি সন্মিলনৰ সম্পাদক ৰবিন চন্দ্ৰ ৰাজবংশীয়ে। সভাত সন্মিলনৰ সভাপতি হাচমত আলীয়ে ওপজা দিন সন্দৰ্ভত নিজৰ অনুভৱ ব্যক্ত কৰি তেঁওৰ ঘৰলৈ আহি কৃতাৰ্থ কৰা বাবে উপস্থিত সকলোকে ধন্যবাদ জ্ঞাপন কৰে। শেষত শলাগৰ শৰাই আগবঢ়াই সম্পাদক ৰবিন চন্দ্ৰ ৰাজবংশীয়ে।
