নলবাৰীৰ পঞ্জাৱ নেচনেল বেংকত লুণ্ঠন চলালে এটা অস্ত্ৰধাৰী ডকাইতিৰ দলে

নলবাৰী জিলাৰ অভয়াপুৰত শুক্ৰবাৰে দিন-পোহৰতে পঞ্জাৱ নেচনেল বেংকৰ ভিতৰত সংঘটিত হয় দিন ডকাইতি কাণ্ড ৷ বেংকৰ ভিতৰতে গুলীচলনা কৰে ডকাইতৰ দলটোৱে ৷ ছয়টাকৈ গুলী ফুটাই বেংকৰ পৰা লুটি লৈ গল ৬০ লাখকৈ টকা ৷ জানিব পৰা মতে ডকাইতৰ গুলীচালনাত বেংকৰ বাহিৰলৈ গুলী ওলাই যোৱাত নয়ন দাস নামৰ এজন লোক আহত হয় ৷ আহত লোকজনৰ ভৰিত গুলীবদ্ধ হয় ৷ বৰ্তমান নয়ন দাস গুৱাহাটী চিকিৎসা মহাবিদ্যালয়ত চিকিৎসাধীন হৈ আছে ৷
বেংক ডকাইতিৰ অস্ত্ৰধাৰী দল দুখন দুচকীয়া বাহনেৰে আহিছিল বুলি জানিব পৰা গৈছে ৷