অসমত HDFC বেংকৰ প্ৰথমটো মহিলা শাখা উদ্বোধন কৰে মন্ত্ৰী অজন্তা নেওগে

আজি গুৱাহাটীৰ নাৰেংগীত HDFC বেংকে মুকলি কৰে অসমৰ তেওঁলোকৰ প্ৰথমটো মহিলা শাখা।  এই শাখাটো সমগ্ৰ দেশতে বেংকটোৰ মহিলা শাখাৰ ক্ৰমবৰ্ধমান নেটৱৰ্কৰ শেহতীয়া সংযোজন কৰাৰ উপৰিও ই বৈচিত্ৰ্য আৰু অন্তৰ্ভুক্তিৰ সংস্কৃতি গঢ়ি তোলাৰ বাবে বেংকৰ প্ৰতিশ্ৰুতিক প্রতিফলিত কৰে।
মহিলা শাখাটো উদ্বোধন কৰে অসম চৰকাৰৰ মাননীয় বিত্ত, মহিলা আৰু শিশু উন্নয়ন বিভাগৰ মন্ত্ৰী অজন্ত নেওগে আৰু ইয়াত উপস্থিতি থাকে HDFC বেংকৰ বিষয়া ক্ৰমে প্ৰেমজিৎ কোঁৱৰ, চক্ৰ মুৰব্বী – উত্তৰ-পূব আৰুআদিত্য ভট্টাচাৰ্য্য, ক্লাষ্টাৰ হেড – অসম লগতে অন্যান্য বিষয়ববীয়া সকল।
HDFC বেংকে লিংগ বৈষম্যৰ বিষয়ত অধিক গুৰুত্ব প্রদান কৰি সংস্থাটোৰ ভিতৰত বৈচিত্ৰ্য আৰু অন্তৰ্ভুক্তিৰ সংস্কৃতিক প্ৰসাৰিত কৰি আহিছে। ২০২২ চনৰ ৩১ মাৰ্চৰ শেষলৈকে বেংকটোৰ মুঠ কৰ্মচাৰীৰ সংখ্যাৰ ২১.৭% মহিলা কৰ্মচাৰী আছিল আৰু ২০২৫ চনৰ ভিতৰত বেংকটোৱে ইয়াক ২৫% লৈ বৃদ্ধি কৰাৰ লক্ষ্য নিৰ্ধাৰণ কৰিছে।
অসমত HDFC বেংকৰ প্ৰথমটো মহিলা শাখা উদ্বোধন কৰাৰ সন্দৰ্ভত মন্তব্য কৰি প্ৰেমজিৎ কোঁৱৰ, চক্ৰ মুৰব্বী নৰ্থ ইষ্ট, HDFC  বেংকে কয় “আমি বৈচিত্ৰ্য, সমতা আৰু অন্তৰ্ভুক্তিৰ সংস্কৃতিত বিশ্বাস কৰোঁ। অসমত আমাৰ প্ৰথমটো মহিলা শাখা মুকলি হোৱাটোৱে আমাৰ দায়বদ্ধতাৰ পৰিচয়। নতুন শাখাটোৱে ৰাজ্যৰ আমাৰ শাখাসমূহৰ নেটৱৰ্কতো বৃদ্ধি কৰে।বেংক শাখা নেটৱৰ্ক আৰু বিশ্বমানৰ ডিজিটেল সমাধানৰ সংমিশ্ৰণৰ জৰিয়তে আমি অসমৰ জনসাধাৰণৰ বাবে মানসম্পন্ন বেংকিং সামগ্ৰী আৰু সেৱাসমূহ উপলব্ধ কৰি যাম।” নতুন শাখাটো মুকলি হোৱাৰ পিছতে HDFC বেংকৰ এতিয়া অসমৰ ৩১ খন জিলাত ৮৮ টা শাখা আছে।