প্ৰধানমন্ত্ৰী নৰেন্দ্ৰ মোডীয়ে দেশৰ লাখ লাখ শিক্ষাৰ্থীক সম্বোধন কৰি পৰীক্ষা পে চৰ্চা শীৰ্ষক অনুষ্ঠানত অংশগ্ৰহণ কৰে। নতুন দিল্লীৰ টালকাটোৰা ষ্টেডিয়ামত অনুষ্ঠিত হোৱা এই অনুষ্ঠান দেশজুৰি বিভিন্ন শিক্ষানুষ্ঠানত ভাৰ্ছুৱেলী প্ৰদৰ্শন কৰা হয়। অনুষ্ঠানত প্ৰধানমন্ত্ৰী মোডীৰ উপৰিও কেন্দ্ৰীয় শিক্ষামন্ত্ৰী ধৰ্মেন্দ্ৰ প্ৰধানকে ধৰি বহু কেইগৰাকী মন্ত্ৰী তথা শীৰ্ষ বিষয়া উপস্থিত থাকে।
আনহাতে দিল্লীত অনুষ্ঠিত হোৱা এই অনুষ্ঠানত বিভিন্ন শিক্ষানুষ্ঠানৰ কেইবাহাজাৰ শিক্ষাৰ্থীৰ লগতে তেওঁলোকৰ অভিভাৱকো উপস্থিত থাকে। অনুষ্ঠানৰ আৰম্ভণিতে কেন্দ্ৰীয় শিক্ষামন্ত্ৰী ধৰ্মেন্দ্ৰ প্ৰধানে কোৰোনা মহামাৰীৰ বাবে বিগত দুটা বছৰত পৰীক্ষা পে চৰ্চা শীৰ্ষক এই অনুষ্ঠান মুকলিকৈ অনুষ্ঠিত কৰিব নোৱাৰাৰ বাবে দুখ প্ৰকাশ কৰে। বিগত দুটা বছৰত এই কাৰ্যসূচী অনলাইন মাধ্যমেৰে অনুষ্ঠিত কৰা হৈছিল। ২:৩০ ঘণ্টা ধৰি চলা এই কাৰ্যসূচীত প্ৰধানমন্ত্ৰীয়ে ১০০ হাজাৰ শিক্ষাৰ্থীৰ সৈতে পোনপটীয়াকৈ মত বিনিময় কৰে। শিক্ষাৰ্থীৰ বহু কেইটা প্ৰশ্নৰো উত্তৰ প্ৰদান কৰে প্ৰধানমন্ত্ৰীগৰাকীয়ে। বিশেষকৈ পৰীক্ষাৰ পূৰ্বে কিদৰে চাপৰ পৰা মুক্ত হ’ব পাৰি, অনুপ্ৰেৰণাৰ বাবে কি কৰিব লাগে, পিতৃ-মাতৃক নিজ লক্ষ্য বা সপোনৰ বিষয়ে বুজাব লাগে সেই বিষয়ে প্ৰধানমন্ত্ৰী মোডীয়ে টিপছ দিয়ে। কাৰ্যসূচীৰ আৰম্ভণিতে প্ৰধানমন্ত্ৰীয়ে কয় যে, পৰীক্ষাৰ উত্তেজনা থাকিব নালাগে। তেওঁ পৰীক্ষাৰ বাবে সৃষ্টি হোৱা ভয় সন্দৰ্ভত সোধা এক প্ৰশ্নৰ উত্তৰত কয় যে, পৰীক্ষা জীৱনৰ এক সহজ অংশ। ইয়াৰ বাবে ভয় কৰিব নালাগে। সকলোৱে পূৰ্বেও পৰীক্ষা দিছে। নিজৰ পূৰ্বৰ অভিজ্ঞতা শক্তিশালী কৰিব লাগে। যি কৰিছে তাত বিশ্বাস ৰাখি পৰীক্ষাত অৱতীৰ্ণ হ’ব লাগে।
প্ৰধানমন্ত্ৰীক সামাজিক মাধ্যমৰ আসক্তিৰ বিষয়ে এগৰাকী শিক্ষাৰ্থীয়ে সোধা প্ৰশ্নৰ উত্তৰত তেওঁ কয় যে, আপুনি যেতিয়া অনলাইন অধ্যয়ন কৰে তেতিয়া সঁচাকৈয়ে অধ্যয়ন কৰেনে? ত্ৰুটিটো অনলাইন বা অফলাইন নহয়। শ্ৰেণীত বহুবাৰ, আপোনাৰ শৰীৰ শ্ৰেণীত থাকে আৰু মন আন কৰবাত থাকে। প্ৰধানমন্ত্ৰীয়ে কয় যে অফলাইন বস্তুবোৰো অনলাইন। ইয়াৰ অৰ্থ হৈছে যে মাধ্যমটো সমস্যা নহয়, মনটোহে সমস্যা। মাধ্যমটো অনলাইন হওঁক বা অফলাইন হওঁক, যদি মনটো ইয়াত সম্পূৰ্ণৰূপে নিমজ্জিত হয়, তেন্তে ই আপোনাৰ বাবে অনলাইন বা অফলাইনত কোনো পাৰ্থক্য নাৰাখে। নতুন শিক্ষা নীতি সন্দৰ্ভত সোধা এক প্ৰশ্নৰ উত্তৰত প্ৰধানমন্ত্ৰীয়ে কয় যে, ই নতুন নহয়, ই এক এক ৰাষ্ট্ৰীয় শিক্ষা নীতি। নতুন শিক্ষা নীতিয়ে ব্যক্তিত্ব বিকাশৰ ওপৰত গুৰুত্ব আৰোপ কৰিছে। জ্ঞানৰ ভঁৰালতকৈ দক্ষতা বিকাশ অধিক গুৰুত্বপূৰ্ণ। আমি একবিংশ শতিকাৰ সৈতে খাপ খোৱাকৈ আমাৰ সকলো প্ৰণালী আৰু আমাৰ সকলো নীতি অনুকূলিত কৰিব লাগিব। যদি আমি নিজকে অন্তৰ্ভুক্ত নকৰোঁ, আমি ৰৈ যাম আৰু পিছ পৰি যাম।
