অলপতে ঘোষিত হাইস্কুল শিক্ষান্ত পৰীক্ষাত মহানগৰীৰ পশ্চিম প্ৰান্তৰ অন্যতম পুৰণি বিদ্যালয় আজাৰাস্থিত ৰাজধৰ বড়া উচ্চতৰ মাধ্যমিক বিদ্যালয় এশ শতাংশ উত্তীৰ্ণৰে অঞ্চলটোলৈ গৌৰৱ কঢ়িয়াই আনিছে। বিগত বৰ্ষৰ দৰে এইবেলিও বিদ্যালয়খনৰ হাইস্কুল শিক্ষান্ত পৰীক্ষাত এশ শতাংশ উত্তীৰ্ণ হোৱাৰ খবৰে অঞ্চলটোৰ বিদ্যৎ সমাজ উৎফুল্লিত হোৱাৰ লগতে বিদ্যালয়ৰ ভাৰপ্ৰাপ্ত অধ্যক্ষ জয়ন্ত কুমাৰ পাটগিৰি, শিক্ষক-শিক্ষয়িত্ৰী আৰু উত্তীৰ্ণ ছাত্ৰ-ছাত্ৰী সকলক শুভেচ্ছা জনাইছে।
বিদ্যালয়ৰ ভাৰপ্ৰাপ্ত অধ্যক্ষ জয়ন্ত কুমাৰ পাটগিৰিয়ে সদৰী কৰা মতে এইবেলি বিদ্যালয়ৰ সৰ্বমুঠ ৫১ গৰাকী শিক্ষাৰ্থী পৰীক্ষাত অৱতীৰ্ণ হৈছিল। ইয়াৰে প্ৰথম বিভাগত ৪২ গৰাকীয়ে আৰু দ্বিতীয় বিভাগত ৯ গৰাকী পৰীক্ষাৰ্থী উত্তীৰ্ণ হৈ এশ শতাংশ সফলতাৰে বিদ্যালয়লৈ গৌৰৱ কঢ়িয়াই আনিছে।
