যেতিয়ালৈকে কাম কৰি থাকিম তেতিয়ালৈকে জীয়াই থাকিমঃ জুবিন

সততে মঞ্চত বিভিন্ন সময়ত বিভিন্ন মন্তব্য কৰি চৰ্চাত থাকে জনপ্ৰিয় কণ্ঠশিল্পী জুবিন গাৰ্গ। জনপ্ৰিয় কণ্ঠশিল্পী গৰাকী তেওঁৰ কিছুমান আপত্তিজনক কথাৰ বাবে প্ৰায়েই চৰ্চাৰ বিষয় হৈ পৰে ।
গীতেই হওক বা তেওঁ বিভিন্ন সময়ত কৰা মন্তব্যই হওক প্ৰায়েই বিতৰ্কৰ সন্মুখীন হয় । জুবিন গাৰ্গ কেইবাবাৰো বিতৰ্কৰ মাজত সোমাই পৰিছে ।
কিন্তু অলপতে বৰপেটা জিলাৰ হাউলীৰ মৌটুপুৰীত লক্ষ্মী পূজা উপলক্ষ্যে আয়োজন কৰা সাংস্কৃতিক অনুষ্ঠানত জুবিনৰ এক মন্তব্যই সকলোকে আৱেগিক কৰি তুলিছে । সংগীতানুষ্ঠান পৰিৱেশন কৰি থকাৰ মাজতেই জুবিনে দৰ্শকক উদ্দেশ্যি কয়, ‘৫০ বছৰতে বহুত উৎপাত কৰিলো । যেতিয়ালৈকে কাম কৰি থাকিম তেতিয়ালৈকে জীয়াই থাকিম, যিদিনা নোৱৰা হ’ম সেইদিনাই মৰি যাম । খটম, বাই বাই………।’
জুবিনৰ এই মন্তব্যই উপস্থিত সকলোকে আৱেগিক কৰি তোলে।