মালয়েছিয়াত ভয়ংকৰ ভূমিস্খলন হোৱাৰ বাতৰি আহিছে । খবৰ অনুসৰি পুৱতি নিশা কুৱালালামপুৰৰ পৰা প্ৰায় ৩১ মাইল উত্তৰত অৱস্থিত এটা শিবিৰত সংঘটিত হৈছে ভূমিস্খলন ঘটনা ৷ উল্লেখ্য যে, শিবিৰটোত আছিল ৯৪ জন মালয়েছিয়ান লোক ৷
কৰ্তৃপক্ষই জনোৱা মতে, ভূমিস্খলনৰ ফলত শিশুসহ ১৬ গৰাকী লোকৰ মৃত্যু । আঘাতপ্ৰাপ্ত হৈছে প্ৰায় ৭ জন লোক ।আঘাতপ্ৰাপ্ত লোকসকলক চিকিৎসালয়ত ভৰ্তি কৰোৱা হৈছে । উদ্ধাৰকাৰী দলে ভূমিস্খলনৰ স্থানৰ পৰা ৫৩ জন লোকক কোনো ক্ষতি নোহোৱাকৈ উদ্ধাৰ কৰিছে যদিও প্ৰায় ১৭ গৰাকীকৈ লোক এতিয়াও সন্ধানহীন হৈ আছে । বৰ্তমানেও অব্যাহত আছে উদ্ধাৰ অভিযান ।
