মহানগৰীৰ বৰবাৰীত আজি এক জঘন্য ঘটনা সংঘটিত হয়। নিৰণ টেৰণ নামৰ এজন যুৱকৰ দাৰ ঘাপত আহত হয় ৩ জনকৈ লোক। আঘাতপ্ৰাপ্ত লোক কেইজন হৈছে অৰূপ টেৰণ, অনিতা টেৰণ, সমীৰণ টেৰণ।
ইয়াৰে দুজনৰ দাৰ ঘাপত হাত ছিঙি গৈছে বুলি জানিব পৰা গৈছে। বৰবাৰীৰ চাই বাবা মন্দিৰৰ সমীপৰ পৰা ৰাইজে খেদি খেদি কৰায়ত্ত কৰে যুৱকজনক। ইতিমধ্যে দিছপুৰ থানাৰ আৰক্ষীয়ে নিৰণ টেৰণক গ্ৰেপ্তাৰ কৰি থানালৈ লৈ আনিছে। উন্মত্ত যুৱকজনে ঘটনাটো কিয় আৰু কেনেদৰে সংঘটিত কৰিলে তাৰ তদন্ত আৰক্ষীয়ে চলাই থকাৰ উপৰিও আহতকেইজনক ইতিমধ্যে GMCHত ভৰ্তি কৰোৱা হৈছে।
