আলফা (স্বাধীন) লৈ নতুনকৈ যোগদান কৰিবলৈ যোৱা যুৱক-যুৱতীৰ সোঁত অব্যাহত আছে ৷ ৰাজ্যৰ বিভিন্ন প্ৰান্তত আলফা (স্বাধীন) শক্তিশালী কৰাৰ স্বাৰ্থতে আলফাই আৰম্ভ কৰিছে সদস্য ভৰ্তি অভিযান ৷ আলফাৰ এই সদস্য ভৰ্তি প্ৰক্ৰিয়া চলি থকাৰ মাজতেই চৰাইদেউৰ সাপেখাতীত আৰক্ষীয়ে আটক কৰিলে ৭ জন যুৱকক।
আসাম ৰাইফলছ আৰু সাপেখাতী আৰক্ষীয়ে চলোৱা এক যুটীয়া অভিযানত আটক কৰা হৈছে যুৱককেইজনক৷ সাপেখাতী টাইৰাই গাঁৱৰ অশ্বিনী কুমাৰ বৰুৱা (২১), বাকচু গাওঁৰ দুই ভাতৃ ক্ৰমে আচিচ দাস (১৯) আৰু দেব দাস (১৭) আৰু একে গাওঁৰে যতীন দাস (১৮), ৩ নং হাওঁফাওঁ গাঁৱৰ নৰ থাপা (৪৮) আৰু একে গাঁৱৰে গনেশ ছেত্ৰী (২২), ৰহন গোঁহাই গাঁৱৰ পৰা জান বৰগোহাঁই( ৩৫) কে ধৰি সাতজনক আটক কৰা হৈছে। আটকাধীন আটাইকেইজনে আলফালৈ যোৱাৰ যো-যা চলাই থকাৰ সন্দেহ কৰা হৈছে।
