ৰবিবাৰে নিশা গুৱাহাটীৰ সিজুবাৰীত এক ভয়ংকৰ পথ দুৰ্ঘটনা সংঘটিত হয়। ভঙাগড় থানাৰ ব্যৱহৃত এখন ছুইফ্ট বাহনে মহতিয়াই নিয়ে তিনিজন লোকক। এজনক সংকটজনক অৱস্থাত GMCHত ভৰ্তি কৰোৱা হয়।
চালকজন ভঙাগড় থানাৰ গাড়ীচালক। অত্যধিক সুৰাপান কৰি গাড়ী চলোৱাৰ অভিযোগ কৰিছে প্ৰত্যক্ষদৰ্শীয়ে। গুৰুতৰভাৱে আঘাতপ্ৰাপ্ত পদপথৰ ব্যৱসায়ীজনক নিশাই ভৰ্তি কৰোৱা হয় GMCHত। ইতিমধ্যে গাড়ীচালক ৰমেজ আলীক আটক কৰে হাতীগাঁও আৰক্ষীয়ে। বাহনৰ খুন্দাত ভাঙি চুৰমাৰ হয় পদপথৰ দোকান।
