বোকাখাত জে ডি এছ জি মহাবিদ্যালয়ৰ সন্মুখত অঘটন। ৰাষ্ট্ৰপতিৰ এছকৰ্টৰ বাহনে মহতিয়াই নিলে পথৰ কাষত ৰৈ থকা এজন শ্ৰমিকক। ঘটনাস্থলীতে নিহত শ্ৰমিকজন ভায়া ৰৱিদাস বুলি জানিব পৰা গৈছে ৷
শনিবাৰে ৰাষ্ট্ৰপতিগৰাকী তেজপুৰ কেন্দ্ৰীয় বিশ্ব বিদ্যালয়ৰ সমাৱৰ্তনত অংশগ্ৰহণ কৰে আৰু তাৰ পৰা কাজিৰঙালৈ যাত্ৰা কৰিব। তেজপুৰৰ পৰা তেওঁ বিশেষ বিমান যোগে কাজিৰঙাত উপস্থিত হ’ব আৰু বাগৰি বনাঞ্চলত জীপ চাফাৰীৰে কাজিৰঙা ৰাষ্ট্ৰীয় উদ্যানৰ ভিতৰভাগ পৰিদৰ্শন কৰিব। নিশা কাজিৰঙাক এখন ৰিজৰ্টতে কটাবলগীয়া ৰাষ্ট্ৰপতিগৰাকীয়ে ২৭ ফেব্ৰুৱাৰীৰ পুৱা কঁহৰা বনাঞ্চলত হাতী চাফাৰী কৰিব। ৰবিবাৰে পুৱা কাজিৰঙাৰ পৰা যোৰহাটলৈ ৰাওনা হ’ব ৰাষ্ট্ৰপতি গৰাকী।
