আৰক্ষীৰ গুলীত মৃত্যু ধৰ্ষনকাৰী বিকি আলীৰ

অসমত পুনৰ আৰক্ষীৰ এনকাউণ্টাৰ ৷ আৰক্ষীৰ গুলীত নিহত গাড়ীগাঁও দলবদ্ধ ধৰ্ষণ কাণ্ডৰ মূল অভিযুক্ত বিকি আলী ৷ জানিব পৰ মত, আৰক্ষীৰ জিম্মাৰ পৰা পলায়নৰ চেষ্টা কৰিছিল বিকিয়ে ৷ ফলত গুলীচালনা কৰিবলৈ বাধ্য হয় আৰক্ষী ৷ চাৰিটাকৈ গুলীৰে গুলীবিদ্ধ হয় অভিয়ুক্ত বিকি ৷ হাজোৰ সমীপৰ দামপুৰ পাহাৰৰ পৰা মঙলবাৰে আৰক্ষীয়ে গ্ৰেপ্তাৰ কৰিছিল বিকি আলীক ৷
বৰ্তমান বিকিৰ মৃতদেহ গুৱাহাটী চিকিৎসা মহাবিদ্যালয় হাস্পতালৰ মৰ্গত ৰখা হৈছে ৷ মৰণোত্তৰ পৰীক্ষাৰ অন্তত পৰিয়ালক গতাই দিয়া হ’ব বিকিৰ মৃতদেহ ৷ উল্লেখ্য যে, বৰ্তমানো পলাতক অৱস্থাত আছে আন চাৰি অভিযুক্ত।