নগাঁও জিলাৰ বটদ্ৰৱা আৰক্ষীয়ে লালুং গাঁও আৰু ভেটিয়নী গাঁৱৰ পৰা এজন ড্ৰাগছ সৰবৰাহকাৰী আৰু এজন গাঞ্জা বেপাৰীক আটক কৰে। বৃহস্পতিবাৰে চলোৱা অভিযানত আৰক্ষীয়ে ড্ৰাগছ সৰবৰাহকাৰীটোৰ পৰা ১৯ টা কন্টেইনাৰৰ লগতে ২.৯৪ গ্ৰাম ড্ৰাগছ আৰু গাঞ্জা বেপাৰীৰ পৰা .৪৬৮ গ্ৰাম গাঞ্জা উদ্ধাৰ কৰে।
ধৃত ড্ৰাগছ ব্যৱসায়ীটো লালুং গাঁৱৰ আটাবুৰ ৰহমানে নিজে ড্ৰাগচ সেৱন কৰাৰ লগতে অবৈধ ড্ৰাগছৰ সৰবৰাহ কৰি অঞ্চলটোৰ বহু যুৱকক ধ্বংসৰ পথলৈ ঠেলি দিছে। আনহাতে, গাঞ্জা বেপাৰটো, ভেটিয়নী গাঁৱৰ পূৰ্ণ নাথ। হত্যাৰ দৰে অপৰাধ কৰি বৰ্তমান জেলৰ পৰা ওলাই আহি গাঞ্জা ব্যবসায়েৰে অঞ্চলটোৰ পৰিবেশ বিনষ্ট কৰি আহিছিল। বটদ্ৰবা আৰক্ষীয়ে দুয়োকে আটক কৰি জেল হাজোতলৈ প্ৰেৰণ কৰিছে।
