কৰিমগঞ্জৰ অসম-মিজোৰাম সীমান্তত বহু পৰিমাণ হেৰ’ইন জব্দ। এখন বলেৰ’ৰ পৰা উদ্ধাৰ প্ৰায় আঠ কোটিৰো অধিক টকাৰ হেৰ’ইন। মিজোৰামৰ পৰা অসম হৈ ত্ৰিপুৰালৈ যোৱাৰ সময়তে কৰিমগঞ্জৰ বাজাৰিছৰা থানাৰ আৰক্ষীৰ নিয়মীয়া তালাচীত জব্দ ১ কেজি ১৮১ গ্ৰাম হেৰ’ইন।
চাবোনৰ বাকচত লুকুৱাই এখন বলেৰ’ গাড়ীত আনিছিল হেৰ’ইনখিনি। TR 01J 3471 নম্বৰৰ বলেৰ’ গাড়ীখন জব্দৰ লগতে ত্ৰিপুৰাৰ ভাৰত–বাংলাদেশ সীমান্তৱৰ্তী সোণামুৰাৰ চালক ৰাজু আহমেদক আটক কৰা হৈছে।
