উত্তৰ প্ৰদেশৰ পূৰ্বাঞ্চল এক্সপ্ৰেছৱেৰ বাৰাবাঁকীত সংঘটিত হৈছে এক ভয়াবহ পথ দুৰ্ঘটনা। দুৰ্ঘটনাটোত বৰ্তমানলৈকে ৮ জন লোকৰ প্ৰাণ হানি হৈছে। আনহাতে অতি সংকটজনক ভাৱে হাস্পতালত ভৰ্তি কৰোৱা হৈছে ২০ জনকৈ আহত লোক। জানিব পৰা মতে পথৰ কাষত ৰখাই থোৱা এখন ডাবল ডেকাৰ (double-decker) পিছফালৰ পৰা তীব্ৰ গতিত অহা আন এখন ডাবল ডেকাৰ বাছত খুন্দা মৰাৰ ফলত এই দুৰ্ঘটনাটো সংঘটিত হয়। ঘটনাস্থলীতে ৮ জন যাত্ৰীৰ মৃত্যু হয়।
पूर्वांचल एक्सप्रेस-वे पर सड़क दुर्घटना में हुई जनहानि अत्यंत दुःखद है।
संबंधित अधिकारियों को राहत व बचाव कार्य तेजी से संचालित करने और घायलों के समुचित उपचार हेतु निर्देश दिए गए हैं।
प्रभु श्री राम दिवंगत आत्माओं को शांति तथा घायलों को शीघ्र स्वास्थ्य लाभ प्रदान करें।
— Yogi Adityanath (मोदी का परिवार) (@myogiadityanath) July 25, 2022
ঘটনাস্থলীত আৰক্ষী আৰু উদ্ধাৰকাৰী দল উপস্থিত হৈ উদ্ধাৰ আৰু সাহায্য অভিযান আৰম্ভ কৰিছে। আহতসকলক চি এইচ চি হায়দৰগড়ত ভৰ্তি কৰোৱা হৈছে। একে সময়তে, গুৰুতৰভাৱে আহতসকলক লক্ষ্ণৌলৈ প্ৰেৰণ কৰা হৈছে।
উল্লেখ্য যে যোৱা মাহত, পূৰ্বাঞ্চল এক্সপ্ৰেছৱেত আন এটা দুৰ্ঘটনা সংঘটিত ঘটিছিল। ১৫ জুনত চুলতানপুৰৰ দোষ্টপুৰ আৰক্ষী থানা অঞ্চলৰ অন্তৰ্গত পূৰ্বাঞ্চল এক্সপ্ৰেছৱেত এখন গাড়ী-টেংকাৰৰ সংঘৰ্ষ হয়, যাৰ ফলত চাৰিজন লোক নিহত হয় আৰু আন দুজন আহত হয়।
