তিনিচুকীয়া জিলাৰ কাকপথাৰৰ দ-পথাৰত প্ৰচণ্ড গুলীয়াগুলি! আলফা(স্বা) আৰু সেনাবাহিনীৰ মাজত সংৰ্ঘষ! আলফা (স্বা)ৰ দুৰ্ধৰ্ষ সদস্য ৰূপম অসমৰ নেতৃত্বত ৬জনীয়া দলৰ সৈতে সংঘৰ্ষ! দুয়োপক্ষৰ মাজত প্ৰচণ্ড গুলীয়াগুলি, গ্ৰেণ্ডেড বিস্ফোৰণ।
উল্লেখ্য যে, ভোলা চাংমাই নামৰ এজন লোকৰ ঘৰত আশ্রয় লৈ আছিল আলফা (স্বাঃ)ৰ দলটোৱে। আৰক্ষী আৰু সেনাৰ অভিযানকাৰী দললৈ আলফাৰ দলটোৱ গ্রেণেড নিক্ষেপ কৰে। ৰূপম অসমৰ লগতে আলফাৰ দলটোত আছে ৰিংকু অসম, উদয় অসম, মৃগাংক অসম আৰু দুজনমান।
সেনা, আৰক্ষী আৰু আলফাৰ দলটোৰ গুলী সোমাইছেগৈ স্থানীয় লোকৰ ঘৰত। ঘৰৰ ভিতৰতে আবদ্ধ হৈ থাকিব লগা হৈছে অঞ্চলটোৰ স্থানীয় লোক। আলফা(স্বা)ৰ সদস্য গুৰুতৰ ভাৱে আহত হোৱাৰ সন্দেহ। ভাৰতীয় সেনাৰ আসাম ৰেজিমেণ্টৰ কাকপথাৰ, ডিৰাক কেম্পৰ সেনাৰ সৈতে অভিযান অব্যাহত। ঘটনাস্থলীলৈ ৰাওনা হৈছে আৰক্ষী অধীক্ষক দেৱজিত দেউৰী।
