আজি আৰক্ষীয়ে চাৰিজনকৈ ড্ৰাগছ আসক্ত যুবক-যুৱতীক কৰায়ত্ব কৰিবলৈ সক্ষম হয়। উল্লেখ্য যে, নগাঁৱৰ ইটাচালি নগৰ আৰক্ষী চকীৰ আৰক্ষীয়ে এগৰাকী য়ুৱতী সহ চাৰিজনকৈ ড্ৰাগছ আসক্ত যুবক-যুৱতীক কৰায়ত্ব কৰে ৷ আৰক্ষীয়ে কৰায়ত্ব কৰা যুবক-যুৱতী কেইজন হৈছে অবিনাশ সিং(২১), ভবেশ বৰা (২২), ৰত্ন কুমাৰ নাথ(২৫), বিকাশ ৰায়(২৩), আৰু নিমিষা বৰা ৷ কৰায়ত্ব কৰা অবিনাশ, ভবেশ আৰু বিকাশৰ ঘৰ দিফলুত ৷ ৰত্নৰ ঘৰ হোজাইত আৰু নিমিষাৰ ঘৰ ডিমৰুগুৰিত৷
আৰক্ষীয়ে নগাঁও চহৰৰ কাষৰীয়া অঞ্চল দিফলুৰ পৰা চাৰিজনক কৰায়ত্ব কৰে যদিও এজন যুবক পলাই যাবলৈ সক্ষম হয়৷ স্থানীয় লোকে ড্ৰাগছ সেৱন কৰি থকা অৱস্হাত যুবক যুবতীৰ দলটোক আটক কৰি আৰক্ষীক খবৰ দিয়ে ৷ আৰক্ষীয়ে দিফলুৰ পৰা কৰায়ত্ব কৰি ইটাচালি আৰক্ষী চকীলৈ আনি চাৰিজনকে স্বাস্থ্য পৰীক্ষা কৰাৰ ব্যৱস্থা কৰে ৷ ড্ৰাগছ আসক্ত চাৰিওজনকে নিচামুক্ত কেন্দ্ৰলৈ প্ৰেৰন কৰিব বুলি আৰক্ষীয়ে জনাইছে ৷
