গুৱাহাটীত জঘন্য ঘটনা; কন্যাক বলাৎকাৰৰ চেষ্টা পিতৃৰ

পিতৃয়ে যৌন নিৰ্যাতন চলোৱাৰ অভিযোগ এগৰাকী দশম শ্ৰেণীৰ ছাত্ৰীক।
ঘৰত অন্য সদস্য নথকাৰ সুযোগ লৈ বুধবাৰে নিচাযুক্ত দৰব খুৱাই পিতৃ ৰবি ভাৱেলে এই দুষ্কাৰ্য্য কৰাৰ অভিযোগ উত্থাপন হৈছে। মহানগৰীৰ ভাস্কৰনগৰৰ ঘৰ নং ৮ ত সংঘটিত হৈছে এই ঘটনা।
কিশোৰী গৰাকীৰ বয়স ১৬ বছৰ বুলি জানিব পৰা গৈছে। কিশোৰী গৰাকী ৰবি ভাৱেলৰ দ্বিতীয়া পত্নীৰ জীয়ৰী ।
ৰবি ভাৱেলৰ প্ৰথমা পত্নীৰ পুত্ৰ চুমন ভাৱেলে পানবজাৰ মহিলা আৰক্ষী থানাত পিতৃৰ বিৰুদ্ধে এজাহাৰ দাখিল কৰাৰ পাছতেই আৰক্ষীয়ে গ্ৰেপ্তাৰ কৰে ৰবিক।
উল্লেখ্য যে, দীৰ্ঘদিনৰ পৰাই কিশোৰীগৰাকীক ৰবি ভাৱেলে যৌন নিৰ্যাতন চলোৱাৰ অভিযোগ উত্থাপন কৰিছে স্থানীয় লোকে।
পানবজাৰ মহিলা আৰক্ষী থানাৰ তৎপৰতাত ইতিমধ্যে নিৰ্যাতিত ছোৱালীগৰাকীক স্বাস্থ্য পৰীক্ষা কৰোওৱা হৈছে।

No Result