অসম ৰাজ্যিক চিৰিয়াখানা আৰু উদ্ভিদ উদ্যানৰ সন্মুখত আজি চিৰিয়াখানা সুৰক্ষা মঞ্চই প্ৰতিবাদ সাব্যস্ত কৰে। আৰু এই প্ৰতিবাদলৈ সহাৰি জনাই বুদ্ধিজিৱী ড০ হীৰেন গোহাঁই, কংগ্ৰেছ নেত্ৰী মীৰা বৰঠাকুৰ আদিও প্ৰতিবাদস্থলীত উপস্থিত হয়।
প্ৰতিবাদকাৰীসকলে চিৰিয়াখানাৰ পৰা বিভিন্ন জন্তু আম্বানীৰ গুজৰাটৰ চিৰিয়াখানালৈ প্ৰেৰণ কৰাৰ বিৰুদ্ধে প্ৰতিবাদ সাব্যস্ত কৰে। চিৰিয়াখানাৰ পৰা ইতিমধ্যে প্ৰেৰণ কৰা জীৱ, জন্তুবোৰ পুনৰ ঘূৰাই অনাৰো দাবী উত্থাপন কৰে প্ৰতিবাদকাৰীসকলে।
উল্লেখ্য যে, কিছুদিন ধৰি চিৰিয়াখানাৰ পৰা আম্বানিৰ চিৰিয়াখানালৈ দুস্প্ৰাপ্য ঘোং, গঁড়, ৮ শিঙীয়া হৰিণা, ৯ টা প্ৰজাতিৰ বান্দৰ আদি প্ৰেৰণ কৰিছে।
