আজি জম্মু-কাশ্মীৰৰ শ্বপিয়ান জিলাত নিৰাপত্তাৰক্ষীৰ গুলীত এজন সন্ত্ৰাসবাদী দল জৈইচ-ই-মহম্মদৰ সদস্য নিহত হয়। উল্লেখ্য যে, নিৰাপত্তাৰক্ষীয়ে গোপন সূত্ৰৰ ভিত্তিত শ্বপিয়ানৰ কাপ্ৰেন অঞ্চলত সন্ত্ৰাসবাদীৰ উপস্থিতিৰ খবৰ লাভ কৰি এই অভিযান আৰম্ভ কৰিছিল।
সন্ত্ৰাসবাদীসকলে নিৰাপত্তাৰক্ষী দলৰ ওপৰত গুলী চালনা কৰাৰ ফলত দুয়ো পক্ষৰ মাজত গুলীয়াগুলী হৈছিল। এই গুলীয়াগুলীতে নিহক হয় সন্ত্ৰাসবাদী জন।
নিহত সন্ত্ৰাসবাদীজনক কুলগাম-শ্বপিয়ান অঞ্চলত সক্ৰিয় হৈ থকা কামৰান ভাই ওৰফে হানিছ বুলি চিনাক্ত কৰা হৈছে। এতিয়াও উক্ত অঞ্চলত অভিযান অব্যাহত আছে।
