দূৰ্গোৎসৱৰ প্ৰস্তুতি অব্যাহত থকাৰ সময়তে চিলাপথাৰত যোৱা নিশা সংঘটিত হ’ল এক ভয়ানক অগ্নিকাণ্ড। চিলাপথাৰ ষ্টেচন পথৰ সীতাৰাম টায়ে বজাৰত নিশা প্ৰায় ১২ বজাত অকস্মাত এখন দোকানৰ পৰা জুই সম্প্ৰসাৰিত হৈ চকুৰ পচাৰতে এখনৰ পিছত এখনকৈ দহখন দোকান, ঘৰৰ লগতে সমস্ত সামগ্ৰী ভষ্মীভূত কৰে।
চিলাপথাৰ, লিকাবালি, জোনাই, ধেমাজি, ডিব্ৰুগড় আদিৰ পৰা ১০ খন অগ্নিনিৰ্বাপক বাহিনীৰ বাহনে স্থানীয় ৰাইজৰ সহযোগত অগ্নিনিৰ্বাপনৰ চেষ্টা চলায় যদিও সফল নহ’ল। ভয়ংকৰ জুইত নিমিষতে চাউলৰ বিশাল গুদাম, অলংকাৰ, কাপোৰ, বেটাৰীৰ দোকান পুৰি ছাঁইলৈ পৰ্যবসিত কৰিলে। উক্ত ঘটনাত কোনো লোক হতাহতি হোৱা নাই যদিও দুৰ্ভগীয়া ব্যৱসায়ীসকলে এই দুৰ্ঘটনাৰ পাছত সাহায্য প্ৰাৰ্থনা কৰিছে চৰকাৰক।
