ডিব্ৰুগড় চহৰৰ লালুকাত এজন ব্যক্তিলৈ লক্ষ্য কৰি গুলীচালনা কৰে দুৰ্বৃত্তই। লালুকাৰ এখন টায়াৰ দোকানৰ সন্মুখত নিচেই কাষৰ পৰা লোকজনলৈ লক্ষ্য কৰি গুলীচালনা কৰে দুৰ্বৃত্তই। গুলীচালনাত পথৰ কাষতে ঢলি পৰে লোকজন। লোকজনৰ নাম সিদ্ধাৰ্থ ৰাজখোৱা। বাইকত আহিছিল দুই দুৰ্বৃত্ত।
ডিব্ৰুগড়ৰ বিশ্ববিদ্যালয়ৰ অভিমুখে গৈ থকা অৱস্থাতে দুৰ্বৃত্তই গুলীচালনা কৰে বুলি জানিবলৈ দিছে সিদ্ধাৰ্থ ৰাজখোৱাই। এই ঘটনা সন্দৰ্ভত দুজন লোকক আটক কৰা হৈছে বুলি জানিব পৰা গৈছে।
