মুকালমুৱাৰত সংঘটিত হোৱা এক ভয়ংকৰ পথ দুৰ্ঘটনাত থিতাতে নিহত হৈছে এজন লোক। আনহাতে আহত হৈছে আন ৫ জন লোক। ঘটনাৰ বিৱৰণ অনুসৰি এখন পালছাৰ বাইক আৰু চাৰিচকীয়া বাহনৰ মুখামুখি সংঘৰ্ষৰ ফলতে এই দুৰ্ঘটনা সংঘটিত হয়।
দুৰ্ঘটনাত নিহত লোকজনক আছান আলী বুলি জানিব পৰা গৈছে। আন এজন আৰোহী তাহেৰ আলী গুৰুতৰ ভাৱে আহত। চাৰিচকীয়া বাহনৰ আহতসকল ক্ৰমে খাইৰুন নেছা, মিৰ হুছেইন, ৰিংকু আলী আৰু মুনিয়া বেগম। ঘটনাত আহত সকলোকে গুৱাহাটী মেডিকেল কলেজ হাস্পতাললৈ প্ৰেৰণ কৰা হৈছে। ঘটনাস্থলীত আৰক্ষী উপস্থিত হৈ দুৰ্ঘটনাগ্ৰস্ত বাহন দুখন জব্দ কৰিছে।
