মহানগৰীৰ পাঞ্জাবাৰীত আজি দিন দুপৰীতে এক গুলীচালনাৰ ঘটনা সংঘটিত হয়। গাড়ীৰ ভিতৰতে এজন লোকলৈ দুৰ্বৃত্তৰ গুলীচালনা। পূৰবী ডায়েৰীৰ বিতৰক ৰঞ্জিত বৰাক লক্ষ্য কৰি দুৰ্বৃত্তৰ গুলীচালনা কৰে আৰু মূৰত গুলী লগাত গুৰুতৰভাৱে আহত হয় ৰঞ্জিত বৰা।
লগে লগে গুৱাহাটী চিকিৎসা মহাবিদ্যালয় হাস্পতাললৈ ৰঞ্জিত বৰাক লৈ যোৱা হৈছিল যদিও হাস্পতাললৈ নিয়াৰ পথতে তেওঁৰ মৃত্যু হয়। বেংকত ধন জমা কৰিবলৈ যোৱাৰ সময়তে দুৰ্বৃত্তই গুলীচালনা কৰিছিল বুলি জানিব পৰা গৈছে। গ্লেমাৰ বাইকত অহা দুৰ্বৃত্তই লুটি নিলে নগদ ধন। ঘটনা সন্দৰ্ভত মহানগৰ আৰক্ষীয়ে আৰম্ভ কৰিছে তদন্ত।
