নিশা মহানগৰীৰ কেইবাটাও স্থান যেনে সাউকুছি, দাতলপাৰা, কটাহবাৰী আদিত গড়চুক আৰক্ষীয়ে অভিযান চলাই বৃহৎ পৰিমানৰ ড্ৰাগছ জব্দ কৰিবলৈ সক্ষম হয়। আৰক্ষীয়ে অভিযানৰ সময়ত আটক কৰিছে তিনিগৰাকী সৰবৰাহকাৰীক। গ্ৰেপ্তাৰ হোৱা তিনি সৰবৰাহকাৰীৰ নাম ৰহুল খাৰাও, ৰিতিক সিং আৰু জিতুমণি কলিতা। ইয়াৰে ৰহুল খাৰাওৰ ঘৰ বিহাৰত বুলি জানিব পৰা গৈছে। আনহাতে ৰিতিকৰ ঘৰ সাউকুছিত আৰু জিতুমণি কলিতাৰ ঘৰ ৰঙিয়াত। অভিযানত আৰক্ষীয়ে জব্দ কৰে ১০ পেকেট নিষিদ্ধ হেৰোইন। ইয়াৰ উপৰিও জব্দ ২০ পেকেট খালী কণ্টেইনাৰ।
জব্দকৃত হেৰোইনখিনিৰ আনুমানিক বজাৰ মূল্য ২০ লাখতকৈ অধিক। জব্দ হোৱা ড্ৰাগচৰ ওজন ১৩২ গ্ৰাম। নগদ ধনো জব্দ কৰে আৰক্ষীয়ে। মহানগৰীৰ ভাড়াঘৰত বাহৰ পাতি চলাই গৈছে এই ড্ৰাগছৰ বেহা। বৰ্তমান আব্দুল নামৰ আন এজন সৰবৰাহকাৰীয়ে আত্মগোপন কৰি আছে বুলি জানিব পৰা গৈছে।
