জাগীৰোডৰ নসত্ৰত পথ দুৰ্ঘটনা। মায়ঙৰ কুছিয়ানি গাঁৱৰ এজন লোক এই দুৰ্ঘটনাটোত থিতাতে নিহত হয়। নিহত লোক জনৰ নাম আব্দুল কাদিৰ বুলি জানিব পৰা গৈছে। জাগীৰোড থানাৰ অন্তৰ্গত মনহা নসত্ৰত পুৱা ৮ মান বজাত সংঘটিত হয় দুৰ্ঘটনাটো।
এ এছ ০১ জে চি ৮২৪৯ নম্বৰৰ এখন সামগ্ৰী কঢ়িওৱা মেক্সিম’বাহনত পিছফালৰ পৰা স্কুতি চলাই যোৱা আৰোহী জনে খুন্দা মৰাত পথৰ কাষত বাগৰি পৰে ৪৫ বছৰীয়া লোক জন। ঘটনাস্থলীতে মৃত্যু হয় লোকজনৰ। দুয়োখন বাহন মায়ঙৰ দিশৰ পৰা ভকত গাঁও অভিমুখে গৈ আছিল। ঘটনাস্থলীত জাগীৰোড আৰক্ষী উপস্থিত হৈ পৰিস্থিতি নিয়ন্ত্ৰণ কৰাৰ লগতে নিহত লোকজনৰ মৃতদেহ মৰোণোত্তৰ পৰীক্ষাৰ বাবে প্ৰেৰণ কৰিছে।
