ধুবুৰীত ব্ৰহ্মপুত্ৰৰ বুকুত ভয়ংকৰ নাও দুৰ্ঘটনা। নিখোঁজ ধুবুৰীৰ চক্ৰ বিষয়া সঞ্জু দাস। সন্ধানহীন আন কেইবাজনো যাত্ৰী। ৩০ জনৰো অধিক যাত্ৰী থকা নাওখন ভাসানীৰ চৰত দুৰ্ঘটনাত পতিত হল। উদ্ধাৰ অভিযানত নামিছে SDRF, NDRF আৰু আৰক্ষী।
প্ৰাপ্ত তথ্য মতে, ধুবুৰী চক্ৰ বিষয়া সঞ্জু দাসৰ নেতৃত্বত তিনিজনীয়া এটা দলে আমিনেৰ চৰ অঞ্চলত ফিল্ড ভেৰিফিকেচন কৰিবলৈ গৈছিল। ধুবুৰী ফুলবাৰী দলং নিৰ্মাণৰ কাম চলি থকা আয়ৰনজংলাত সংঘটিত হয় দুৰ্ঘটনাটো। চক্ৰ বিষয়াৰ নেতৃত্বত যোৱা দলটোত আছিল চক্ৰ বিষয়া সঞ্জু দাস, লাট মণ্ডল নমেজউদ্দিন আৰু পিটাৰ নামৰ এগৰাকী সহকাৰী কৰ্মচাৰী।