নগাঁৱৰ ৰহাৰ গড়মাৰীত শোকাৱহ ঘটনা। কলেজলৈ গৈ থকা অৱস্থাত মটৰ চাইকেল দুৰ্ঘটনাত থিতাতে নিহত এজন ছাত্ৰ।ৰহা মহাবিদ্যালয়ৰ উচ্চত্বৰ মাধ্যমিকৰ দ্বিতীয় বৰ্ষৰ নিহত ছাত্ৰজনৰ নাম অভিজিৎ নাথ বুলি জানিব পৰা গৈছে।
উল্লেখ্য যে, আজি পুৱা কলেজলৈ গৈ থকা অৱস্থাত এখন বালি ভৰ্তি ট্ৰাকৰ খুন্দাত ছাত্ৰজন বাইকসহ চিটিকি গৈ থিতাতে নিহত হয়। ৰহাত অবৈধভাৱে বালিৰ ট্ৰাকে বালি সৰবৰাহ অব্যাহত ৰাখিছে। এই ক্ষেত্ৰত বন বিভাগ আৰু আৰক্ষীৰ ভূমিকাক লৈ ৰাইজৰ মাজত প্ৰশ্ন উঠিছে৷
