গুৱাহাটীত সংঘটিত হৈছে এক ৰহস্যজনক মৃত্যুৰ ঘটনা। দেওবাৰে সন্ধিয়া ৫ বজাত উলুবাৰীৰ হৰবালা পথত সংঘটিত হয় এই ঘটনা। পেয়িং গেষ্টৰ গা-ধোৱা ঘৰত উদ্ধাৰ হয় সৰ্মিতা ঘোষ নামৰ এগৰাকী যুৱতীৰ মৃতদেহ। ২১ বছৰীয়া সৰ্মিতাৰ ঘৰ ৱেষ্টবেংগলৰ আলিপুৰ দুৱাৰত।
যুৱতী গৰাকীয়ে গুৱাহাটীত নাৰ্চিং কৰি আছিল বুলি জানিব পৰা গৈছে। পল্টনবজাৰ আৰক্ষীয়ে উদ্ধাৰ কৰে যুৱতীগৰাকীৰ মৃতদেহ। প্ৰাথমিক অৱস্থাত আৰক্ষীৰ তথ্য অনুসৰি যুৱতী গৰাকীয়ে আত্মহত্যা কৰা বুলি সন্দেহ কৰা গৈছে। এই ক্ষেত্ৰত বৰ্তমানে আৰক্ষীয়ে তদন্ত অব্যাহত ৰাখিছে।
