লামডিং ৰে’ল জংচনত ৰে’ল আৰক্ষীয়ে মঙলবাৰে বৃহৎ পৰিমাণৰ গাঞ্জা জব্দ কৰে। ১৩১৭৪ নম্বৰৰ নামনিমুৱা শিয়ালদহ কাঞ্চনজংঘা এস্কপ্ৰেছ ৰে’লখনৰ পৰা আৰক্ষীয়ে জব্দ কৰে গাঞ্জাখিনি। জব্দ কৰা গাঞ্জাখিনিৰ ওজন প্ৰায় ১২ কেজি হ’ব বুলি ৰে’ল আৰক্ষী সূত্ৰে প্ৰকাশ।
ঘটনা সন্দৰ্ভত লামডিং ৰে’ল আৰক্ষীয়ে গাঞ্জা সৰবৰাহ কৰাৰ সন্দেহত তিনি জন ব্যক্তিক আটক কৰিছে।আটকাধীন ব্যক্তি তিনিজন হৈছে মলেশ্বেৰ ৰয়, নেৱাল কিশৰ ৰয়, ৰতন দেও মাহাতু৷ লোককেইজনে শৰীৰত পৰিধান কৰা গৰম জেকেটৰ ভিতৰত গাঞ্জাখিনি লৈ আহিছিল৷ গাঞ্জাখিনিৰ মূল্য প্ৰায় ১ লাখ ২০ হাজাৰ টকা হ’ব বুলি ৰে’ল আৰক্ষীয়ে জানিব দিয়ে।
