বৰপেটাৰ ভেল্লাত মাৰুতি ৮০০ আৰু ছুইফ্ট ডিজায়াৰ আৰু বাইকৰ মাজত সংঘৰ্ষ। দুৰ্ঘটনাত থিতাতে নিহত এজন আৰু আন তিনিজন গুৰুতৰ ভাৱে আহত হয়। সোমবাৰে নিশা ভেল্লাৰ মাদ্ৰাছাৰ সন্মুখত সংঘটিত হয় দুৰ্ঘটনাটো। দুৰ্ঘটনাত বাইকখন কেইবা মিটাৰ চিটিকি গৈ দ’ খালত পৰে। ছুইফ্ট ডিজায়াৰত থকাজন ভেল্লাৰ আকাশ আলী বুলি জানিব পৰা গৈছে৷ বাকী নিহত-আহতসকলৰ পৰিচয় লাভ কৰিব পৰা নাই।
ঘটনাস্থলীত ভেল্লাৰ একাংশ স্থানীয় লোকে মাৰুতি গাড়ীখনৰ তলৰ পৰা মৃতদেহটো উদ্ধাৰ কৰাৰ লগতে ১০৮ এম্বুলেন্স সেৱালৈ ফোন কৰি গুৰুতৰভাৱে আহত দুগৰাকী লোকক বৰপেটাস্থিত ফখৰুদ্দিন আলি আহমেদ মেডিকেল কলেজলৈ প্ৰেৰণ কৰে। ঘটনাস্থলীত বৰপেটা আৰক্ষীৰ এটি দল উপস্থিত হৈ মৃতদেহটো উদ্ধাৰ কৰে ৷
