লখিমপুৰ জিলাৰ বান্দৰদেৱাৰ সমীপৰ পথালি পাহাৰত দই ড্ৰাগছ সৰবৰাহকাৰী গুলীবিদ্ধ। আৰক্ষীৰ জিম্মাৰ পৰা পলাবলৈ চেষ্টা কৰা অৱস্থাতে দুই ড্ৰাগছ সৰবৰাহকাৰীক লক্ষ্য কৰি আৰক্ষীয়ে গুলী চালনা কৰে আৰু দুয়ো আহত হয়।
বিশেষ সুত্ৰৰ পম খেদি, বৃহস্পতিবাৰে বিহপুৰীয়া আৰক্ষী আৰু বান্দৰদোৱা আৰক্ষী চকীৰ আৰক্ষীৰ যৌথ অভিযানত ১০ টা চাবোনৰ বাকচত কঢ়িয়াই অনা সন্দেহজনক হেৰ’ইনসহ দুজনক আৰক্ষীয়ে আটক কৰে। আটকাধীন লোক দুজনৰ পৰা আৰক্ষীয়ে হেৰ’ইনৰ লগতে এখন চুইফট ডিজায়াৰ আৰু এখন হোন্দাই বাহন জব্দ কৰে।
নিশা ২ ড্ৰাগছ সৰবৰাহকাৰীক লগত লৈ অভিযানলৈ যোৱাৰ সময়তে আৰক্ষীৰ জিম্মাৰ পৰা দুয়োজনে পলাবলৈ চেষ্টা কৰে। ফলত আৰক্ষীয়ে দুয়োলৈ লক্ষ্য কৰি গুলীচালনা কৰে আৰু দুয়ো আহত হয়। আহত দুই ড্ৰাগছ সৰবৰাহকাৰী জাকিৰ হুছেইন আৰু জাভেদ আলি। দুয়োৰে ঘৰ নগাঁৱৰ জুৰীয়াত। আহত দুয়োজনেই বৰ্তমান এল এম চি এইছত চিকিৎসাধীন৷
