নগাঁৱৰ আগশাৰীৰ এখন বিদ্যালয়ৰ দুজন ছাত্ৰ সন্ধানহীন হৈছে ৷ বুধবাৰৰ পৰা সন্ধানহীন হোৱা ছাত্ৰ দুজনক লৈ চাঞ্চল্যৰ সৃষ্টি হৈছে অঞ্চলটোত৷ দুয়োজন ছাত্ৰই নৱম শ্ৰেণীত অধ্যয়নৰত৷
ছাত্ৰ দুজন হৈছে নগাঁৱৰ চৰকাৰী উচ্চতৰ মাধ্যমিক বালক বিদ্যালয়ৰ সমীৰণ দাস আৰু কিশোৰ দাস৷ দুয়ো বিদ্যালয়ৰ পৰীক্ষা গৃহৰ পৰা ওলাই অহাৰ পিছৰ পৰা সন্ধানহীন হৈ আছে বুলি জানিব পৰা গৈছে৷
উল্লেখ্য যে, বুধবাৰে ছাত্ৰ দুজনৰ হিন্দী পৰীক্ষা আছিল৷ সময়তকৈ আগতেই দুয়োজন ছাত্ৰ পৰীক্ষা দি পৰীক্ষাগৃহৰ পৰা ওলাই গৈছিল৷ চহৰ খনৰ ডিমৰুগুৰিৰ ছাত্ৰ দুগৰাকী সন্ধানহীন হোৱাৰ পিছত পৰিয়ালৰ লোকে নগাঁও সদৰ আৰক্ষী থানাত এজাহাৰ দাখিল কৰিছে৷
