ক্ষেত্ৰী আৰক্ষীৰ অভিযানত গাঞ্জাসহ আটক দুই যুৱক। AS 02 T 6855 নম্বৰৰ এখন ৰয়েল এণ্ডফিল বাহনেৰে মেঘালয়ৰ শ্বিলঙৰ পৰা ডিমাপুৰলৈ বুলি প্ৰায় দুই কেজি ওজনৰ গাঞ্জা সৰবৰাহৰ চেষ্টা কৰিছিল ধৃত যুৱক দুজনে। ক্ষেত্ৰী আৰক্ষীয়ে সন্দেহ বশত ২২ মাইলৰ ৩৭ নং ৰাষ্ট্ৰীয় ঘাইপথত মটৰ চাইকেলখন ৰখাই সোধ পোছ কৰাত পোহৰলৈ আহে সমগ্ৰ ঘটনা।
আটকাধীন যুৱক দুজনৰ নাম আফজল হুছেইন আৰু আলজাৰ হুছেইন বুলি জানিব পৰা গৈছে। দুয়োৰে ঘৰ কৰিমগঞ্জত। ঘটনা সন্দৰ্ভত ক্ষেত্ৰী আৰক্ষীয়ে নিজাববীয়াকৈ এক গোচৰ ৰুজু কৰি তদন্ত অব্যাহত ৰাখিছে।
