ভাৰতীয় ক্ৰীড়া প্ৰাধিকৰণৰ বক্সিঙৰ ছাত্ৰৰ গুলীত আহত সংগীতা বৰা নামৰ এগৰাকী মহিলা। এয়াৰ গানৰ গুলীত আহত মহিলা গৰাকীক উন্নত চিকিৎসাৰ বাবে যোৰহাট মেডিকেল কলেজলৈ প্ৰেৰণ কৰা হৈছে।
SAI হোষ্টেলৰ কাষত বসবাস কৰা মহিলা গৰাকীৰ মূৰত গুলী লাগে। ভাৰতীয় ক্ৰীড়া প্ৰাধিকৰণ, গোলাঘাটৰ বক্সিঙৰ প্ৰশিক্ষক গৰাকীৰ এয়াৰ গানটো ব্যৱহাৰ কৰিছিল তেওঁৰে এজন ছাত্ৰই। চৰাইলৈ বুলি মৰা গুলী গৈ লাগিল পথাচাৰী মহিলাৰ গাত। ঘটনা সন্দৰ্ভত গোলাঘাট সদৰ আৰক্ষীয়ে আটক কৰিছে অভিযুক্ত হিৰক জ্যোতি বৰা নামৰ ১৬ বছৰীয়া কিশোৰজনক।
