নিৰ্বাচনী প্ৰচাৰৰ মাজতো ‘বিশ্ব নাট্য দিৱস’ উপলক্ষ্যে প্ৰয়াত নাট্যকাৰ,সাহিত্যিক অৰুণ শৰ্মাৰ স্মৃতিত ‘নিউ আৰ্ট প্লেয়াৰ্ছে’ নিবেদন কৰা ‘অগ্নিগড়’ নাটকখনে ৰবীন্দ্ৰ ভৱনত ২৭ আৰু ২৮ মাৰ্চ তাৰিখে সন্ধ্যা ৰাইজৰ বিপুল সঁহাৰি লাভ কৰে । অৰুণ শৰ্মা ৰচিত তিনিখন নাটক ‘শ্ৰীনিবাৰণ ভট্টাচাৰ্য’ , ‘অগ্নিগড়’ আৰু ‘অদিতিৰ আত্মকথা’ একেলগ কৰি ত্ৰিবৰ্গ বা ত্ৰিল’জি ৰূপেৰে ‘অগ্নিগড়’ নামেৰে নাটকখনি উপস্থাপন কৰা হৈছে ।প্ৰতিজন অভিনেতা-অভিনেত্ৰীৰ অনবদ্য অভিনয়ে নাটকখনিক উপভোগ্য কৰি তুলিছে ।নাটকখনৰ সামগ্ৰিক পৰিকল্পনা আৰু পৰিচালনা অবিনাশ শৰ্মাৰ ।আৱহ সংগীত মনমিৎ আৰু মনদ্বীপ মহন্তৰ ।
