টেলিভিছন পৰ্দাৰ ধাৰাবাহিকৰ পৰা আৰম্ভ কৰি বলিউডৰ চিনেমাত সুনাম অৰ্জন কৰা ঋতুৰাজ সিঙৰ আজি দেহাৱসান ঘটে। হৃদৰোগ জনিত কাৰণত ৫৯ বছৰ বয়সীয়া জনপ্ৰিয় অভিনেতাজনৰ মৃত্যু হয়। অভিনেতা ঋতুৰাজ সিঙক ১৯ ফেব্ৰুৱাৰী সোমবাৰে হাৰ্ট এটেকৰ পিছতে চিকিৎসালয়ত ভৰ্তি কৰা হৈছিল।
অভিনেতাগৰাকীৰ মৃত্যুৰ খবৰে চলচ্চিত্ৰ জগতত শোকৰ ছাঁ পেলাইছে। বহু টেলিভিছন শ্ব’ৰ পৰা আৰম্ভ কৰি বলিউডৰ চিনেমাত কৰা অভিনয়ে দৰ্শকক আকৰ্ষণ কৰিবলৈ সক্ষম হৈছিল অভিনেতাজন। শেহতীয়াকৈ ষ্টাৰ প্লাচ চেনেলৰ ‘অনুপমা’ ধাৰাবাহিক খনত এক চৰিত্ৰত দেখা গৈছিল অভিনেতাজনক।
