আজি মোহময়ী অভিনেত্ৰী তথা সুকণ্ঠৰ অধিকাৰী শ্ৰদ্ধা কাপুৰৰ জন্মদিন । ১৯৮৭ চনৰ ৩ মাৰ্চত মুম্বাইত জন্ম হৈছিল শ্ৰদ্ধা কাপুৰৰ ৷ বলীউডৰ জনপ্ৰিয় অভিনেতা শক্তি কাপুৰৰ জীয়ৰী শ্ৰদ্ধা কাপুৰে ২০১০ চনত তিনপট্টী ছবিখনত এটা সৰু চৰিত্ৰৰে নিজৰ অভিনয় জীৱনৰ পাতনি মেলে ৷
২০১১ চনত লাভ কা দ্য এণ্ড শীৰ্ষক ছবিখনত মুখ্য চৰিত্ৰত অভিনয় কৰিবলৈ সুযোগ পাইছিল শ্ৰদ্ধা কাপুৰে ৷ দুখনকৈ চলচিত্ৰত অভিনয় কৰাৰ পাছতো শ্ৰদ্ধাই দৰ্শকৰ মাজত পৰিচিত হোৱা নাছিল ৷ ইপিনে ২০১৩ চনৰ ৰোমাণ্টিক হিট আশ্বিকী ২ ৰে লাইমলাইটলৈ আহে শ্ৰদ্ধা ৷ আশ্বিকী ২ ত কৰা অভিনয়ৰ বাবে শ্ৰদ্ধাই ফিল্মফেয়াৰ এৱাৰ্ড ফৰ বেষ্ট একট্ৰেছ শাখাত মনোনয়ন লাভ কৰিছিল ৷ বৰ্তমানলৈকে মুঠ ২৩ খনকৈ ছবিত অভিনয় কৰিছে শ্ৰদ্ধা কাপুৰে ৷ অভিনয়ৰ লগতে এটা সুন্দৰ কণ্ঠৰ অধিকাৰী শ্ৰদ্ধা । এই অভিনেত্ৰী গৰাকীলৈ জন্মদিনৰ শুভেচ্ছা জনাইছে বিভিন্ন অনুৰাগীয়ে ।
